Sənə əjdaha lazımdır? Payız-qış mövsümünün xüsusilə sərt keçməsi və kəndlərdə qaz təchizatının məhdud olması ilə əlaqədar meşə ehtiyatlarının yanacaq vasitəsi kimi istifadə olunmasının Quba rayonunun ətraf mühitinə, eləcə də sakinlərin rifahına verdiyi zərəri nəzərə alaraq, rayonun dayanıqlı enerji ilə təminatını necə həyata keçirmək olar?
Qubalı qız: Quba və ətraf rayonlarda yaşayan gənclərin, xüsusilə gənc ixtiraçıların son elmi məlumatlar və beynəlxalq uğurlu təcrübə nümunələri işığında öz innovativ və startap layihələrini respublika və beynəlxalq səviyyədə tanıtması və həyata keçirməsi məqsədilə hansı addımlar atılmalıdır?
Bu qala daşlı qala: Şəhərsalmada piyadayönümlü, eləcə də bütün sosial qruplar üçün əlçatan və inkluziv sahələrin yaradılması məqsədilə vətəndaşların şəhər planlanmasında fəal iştirakını təmin etmək üçün hansı təşəbbüslər irəli sürülə bilər?
Qubanın ağ alması: Özünəməxsus təbiəti, tarixi-mədəni irsi və multikultural əhalisi ilə seçilən Quba rayonunda kifayət qədər inkişaf etmiş ənənəvi turizm ilə yanaşı, ekoturizmin həm yerli, həm də xarici turistlər üçün təşviqini necə dəstəkləmək olar?
O qatarın dalınca baxma: Quba-Xaçmaz iqtisadi rayonunun əlverişli coğrafi mövqeyi, habelə Respublika əhəmiyyətli dəmir yolu və avtomobil nəqliyyatı şəbəkəsinə malik olmasına baxmayaraq, yerli əhəmiyyətli yolların texniki vəziyyətinin müasir tələblərə cavab verməməsi səbəbilə dağ kəndlərində yaşayan əhalinin rayon mərkəzlərinə gediş-gəlişinin çətinləşməsi və sosial-iqtisadi əlaqələrinin məhdudlaşması probleminin aradan qaldırılması üçün hansı zəruri tədbirlər görülməlidir?